ملكة الاحساس المدير
عدد الرسائل : 663 العمل/الترفيه : طالبة رقم العضوية : 1 المزاج : تاريخ التسجيل : 31/10/2008
| موضوع: أبي أعرف من اللّي خان ؟ الثلاثاء فبراير 03, 2009 12:23 am | |
| السلام عليكم ورحمه الله وبركاته أبي أعرف من اللّي خان ؟! و من اللي بعثر إحساسه ؟! و قسّى هـ الغدر قلبه و غيّر طيبته و مبداه ، و بْـ ظلمه كسّر إنسان . من اللّي قالْ : أنا الْـ وافي ، أبد واللــه ماجافي .. أنا عمرك ، أنا ذاتك .. أنا حزنك وضحكاتك أنا فزعتْك و سنادك ] ! سِمَع قلبي كثير أقوال ، ولا في يوم شفت أفعال . دخيلك .. منهو فينا خان؟! و جرَح صوتي بكثر القول ! وخيّب ظنّها شفاتي .. و شمّت فيني ونّاتي ، وهدّ اللي بنيته سنين ! مثل منهو ظلم أحباب .. وتركهم والظنون ، ظنون ! ولاطيّب خواطرهم ! مثل منهو سقى حزنه بـ همّه وإنكساراته .. وعمره ما رجع رويان ! من اللي [ ظالم ] وخوّان ؟! تعبت أسأل ولا ألقى .. سوى حزني وآهاتي ، وليامن جيت أنده له .. وأطلب كلمةٍ تشفى جروح القلب وآلامه ، يجاوب همّي بْـ نسيان ؟! من اللي عاش بـ غيابه ؟! ونسى عزْوته وأحبابه ؟! ولا لي بـ غيبته إلاّ .. طعونٍ جات بـ أسبابه ! تظن إنّي : قويت أنسى ؟! وأظنّك : من [ الصخر ] أقسى ! من اللي مُعدم إحساسه ؟! يشوف إنّي بـ عز الشوق ، بحاجة قلبه و أنفاسه .. و يخذل حاجتي بـ [ صدّه ] ! ويرفع راية الهجران . من اللي فرّح الأحزان ؟! و ضيّع حلم أيامي .. ودمّر وجه بسماتي ، وشتت كل راحاتي .. وجافى بـ غربته أوطان
وسلامتكم
| |
|