أنا لااا قلتلي شلونك..!

أنا لا قلتلي شلونك وأنا ضايق أقول بخير
مدامك سائلاً عني أكيد ضيقتي راحت

أنا من كثر ما أحبك أشوفك في عيوني غير
تضيق النفس من غيرك ولا من شفتك إرتاحت

أحبك كثر ماتطري فبالي وتشغل التفكير
كثر ما أشيلك بعيني وناس منها طاحت

أحبك كثر ما اسمح خطاك ان خانك التعبير
كثر ماخانته الرفقه بكتم أسرارها وباحت

أحبك كثر صقاراً تولع في محبة طير
كثر مادلته الطيب بريحة هيلها فاحت

أحبك كثر ما احس بشعور أني عليك اغير
كثر ما ازيح الغيره عن افكاري ولا إنزاحت

أحبك كثر مالك بداخلي حب وغلا وتقدير
كثر ماغبت عن عيني ودموع مفارقك ساحت

تصدق من عرفتك صرت أحبك واكره التغير
وأنا اللي كنت اعشق كل نجمه في السما لاحت

تأكد كل ماتسأل عن أحوالي أكون بخير
مدامك سائلاً عني أكيد ضيقتي راحت

للشاعر: ثامر شبيب الدقباسي

صح لسانك ولسانه

ويسلموو

صح بـــــدنج

ويسلموووو عالمرور الطيب