ودي أذكر كيف كانت ضحكتي لامن فرحت ..

صعب لآ منك فشلت وصعب لآ منك لقيت
إن من يكره نجاحك يدري إنك مانجحت ..

أمس ضقت ورحت أقلب ذكرياتي وانتهيت
عند صورة طفل صوته مثل صوتي لا انجرحت ..

وش مثل لآ والله الآ هذآ أنا يوم ابتديت
أنطق حروف تلعثم في لساني لا انمدحت ..

هذا أنا يوم الحياة بنظرتي عشرين بيت
ومسجدين ومدرسه من طين كم فيها اصطبحت ..

هذا أنا وأصبحت أتمتم هذا أنا حتى بغيت
أختنق بس القدر عيا على موتي وطحت ..

وصاح صوت الطفل فيني انت من وين ارتميت
قلت أنا المستقبل اللي فيه كم همت و طمحت ..

أمس كنت أبيك تكبر بس والله لودريت
اني اللي عشت لجله مت عندك واسترحت ..

لودريت ان الزمان يجر رجلي ماعديت
ولودريت ان البحور بلا مواني ما سبحت ..

كان دربك لي طويل وكل ماشفتك هويت
قلت لك كبوة جواد و ماكبيت الا و جمحت ..

ليه تسمعني وتمشي ؟.. آآآآآهـ ليتك ما مشيت
و آهـ ليتك من كثر عثرات الأيام انتصحت ..

ضاعت أحلامي وظل الحزن فيني واهتديت
للطريق اللي يوديني على دمعي ورحت ..

يالحزن ليتك مثل دمعي وتنزل لارقيت
بس أعرفك لو مسحت الدمع تبقى ماانمسحت ..

كآن حلمي في وجود انسان يبكي لابكيت
وصآر حلمي في وجود انسان يفرح لافرحت ..

كنت أشوف الناس مثلي كل ماجعت وضميت
مادريت ان الأوادم ناس فوق وناس تحت ..

آآآآهـ يااول ذكرياتي خذني بحضنك نسيت
بسألك عن وجه أبوي اللي معه ياما سرحت ..

خذني بحضنك أبغفى ـآ ياااهـ مبطي ماغفيت
وان لمحت دموع عيني سوي نفسك ما لمحت ..

خذني بحضنك و بعثر في جروحي وان قضيت
هزلي ڪتفي وقل لي عيب تبكي لو سمحت ..

اضحك وعلم زماني من أنا من وين جيت
طق باب الحزن و اصرخ فيني لامني فتحت ..

وضمـــني يمك وكمل ضحكتك لامن بكيت
ودي أذكر كيف كانت ضحكتي لامن فرحت .. </I>

ضاعت أحلامي وظل الحزن فيني واهتديت
للطريق اللي يوديني على دمعي ورحت ..

يالحزن ليتك مثل دمعي وتنزل لارقيت
بس أعرفك لو مسحت الدمع تبقى ماانمسحت ..

رووعـــــه اخيتي
يعطيج الف عافية

صح الله لسان شاعرها ..

وميرسي على النقل

فهيدان كتب:: صح الله لسان شاعرها ..

وميرسي على النقل

تسلم فهييدان على المرور

» كيف يشعر الرجل اذا كانت زوجته اذكى منه ؟